CLUB DE LECTURA: O ACHADO DO CASTRO

O luns 17 de decembro de 2015, o alumnado do Club de lectura de primeiro e segundo de ESO tiveron a gran sorte de contar co escritor Manuel Núñez Singala, autor do libro que previamente leramos nunha sesión do club de lectura: O achado do castro. Pasamos unha hora moi amena e divertida:  Singala analizou os personaxes : Catulo e Caleno  e mais os soldados, establecendo paralelismos con parellas recoñecidas do mundo do cómic (Asterix e Obélix), da novela (Don Quixote e Sancho Panza). Ensinounos diferentes representacións da obra ao longo da nosa terra e realizada tanto por rapaces adolescentes como por adultos e incluso persoas que viven nunha residencia da terceira idade.

POR QUE NON EN GALEGO?

O pasado luns 14 de decembro, os grupos de primeiro e segundo de Bacharelato asistimos a un relatorio no Salón de Actos. Tivemos o gusto de recibir ao filólogo e escritor Manuel Núñez Singala. Ao longo da súa carreira como escritor foi introducíndose nos diferentes xéneros: teatro, narrativa e ensaio. É un acérrimo defensor da letra impresa porque, segundo el di "axúdanos a pensar".
Comezou a súa intervención facendo unha breve reseña do seu traballo vinculado coa Universidade de Santiago e da súa obra publicada. A seguir introduciunos no tema do relatorio: Por que non en galego? Achegounos unha visión diferente sobre a cuestión da lingua: por que temos que elixir entre dúas linguas cando temos a posibilidade de utilizar as dúas? Fíxonos ver outros puntos de vista e sobre todo, a través de diferentes vídeos, abriunos os ollos fronte á presión que exerce a sociedade en nós, como sen querelo actuamos como a maioría.
Fíxonos ver a necesidade de coidar a nosa lingua, é o noso patrimonio e necesita da nosa voz para que non se perda.
Foi unha gran charla e gustaríanos moito que volvese.

Autores: Isaac Villar Romero e Antía Andrés Fernández

CLUB DE LECTURA DE ADULTOS. Curso 2015 - 2016.

Títulos propostos:
Sueño profundo. Banana Yoshimoto.
Seda. Tres veces al amanecer. Alessandro Baricco.
Dime qué te pasa y te diré qué peli ver. Lara Malvesí y Sandra S. Lopera.
O ocaso da familia Portela. Noa Pérez González.
El túnel. Ernesto Sábato.
El hombre en busca de sentido. Viktor Frankl.
Musicofilia. Oliver Sacks.
Cuentos macabros. E. A. Poe.
Persépolis. Marjare Satrapi.
Don Quijote de la Mancha de Miguel de Cervantes. Versión en castellano actual de Andrés Trapiello.

CONCERTO DIDÁCTICO DE ALBA BARREIRO

O venres, 27 de novembro tivemos a gran sorte de escoitar a unha prestixiosa arpista: Alba Barreiro.

Viguesa de nacemento, comeza a súa andaina musical no mundo do piano, mais deseguida atopa na arpa a súa verdadeira vocación. Será no ano 2000 cando comece os estudos de arpa celta da man de Rodrigo Romaní, na Escola de Artes e Oficios de Vigo. Continuou os seus estudos achegándose á arpa clásica no Conservatorio Profesional de Música de Vigo, sendo a súa profesora a arpista Celine Landelle, arpista principal da Orquestra Sinfónica de Galicia. Alba completa a súa formación superior no Conservatorio de Salamanca, onde asiste ás maxistrais clases de Marianne dez Voorde, e no ano 2013 obtén a titulación Superior en Musikene (Centro Superior de Música do País Vasco).

A súa experiencia coa arpa celta é de sobra coñecida: foi membro da orquestra folk SondeSeu (dirixida por Rodrigo Romaní), coa que gravou tres álbums: Mar de Vigo, Trastempo e Barlovento, participou en festivais como o intercéltico de Lorient ou o Festival de Ortigueira.

No ámbito da arpa clásica detaca o seu paso pola Joven Orquesta Nacional de España, a Xoven Orquestra Sinfónica de Galicia, e pola Sinfónica de Castela e León.

Participou na gravación das bandas sonoras de películas como: Los girasoles ciegos, Pradolongo ou A casa da luz.

O seu traballo complétase, ata o momento, con concertos como solista, integrándose en grupos de cámara ou colaborando en diferentes formacións musicais: Real Filharmonía de Galicia e a Orquestra Sinfónica de Galicia.

Na actualidade, desenvolve o seu labor como docente na Orquestra Sinfónica de Galicia, na Escola Municipal de música folk de Vigo, no Conservatorio Mayeusis e no Centro Creativo e Musical de Moaña.

Alba realizou todo un percorrido polas orixes dun instrumento tan antigo como fermoso, que ten a súa orixe nos sons que producían as cordas do arco dos cazadores cando as tocaban. Falounos da arpa celta, a arpa barroca española, a arpa paraguaya e a arpa clásica. Explicounos como se conseguían as diferentes notas e os diferentes sons movendo as chaves ou, no caso da arpa clásica, cos pedais.

Xa para rematar deleitounos cunhas pezas musicais fermosísimas: Alalá de Vilalba con Marcha procesional, Unha noite no Santo Cristo (alborada) e Albeida (alalá). Unha alumna de 2º de ESO pechou o acto dando lectura a uns poemas de Ana Romaní e Luz Pozo acompañada dos sons da arpa.

 A delicadeza dos movementos dos seus dedos acariñando as cordas e a suavidade da música que delas saía, conseguiron emocionarnos a todas e a todos.

  

DÍA INTERNACIONAL PARA A ELIMINACIÓN DA VIOLENCIA CONTRA AS MULLERES

O 25 de novembro, como vén sendo habitual, realizamos un acto en homenaxe a todas as vítimas de violencia machista. Participou unha parte representativa do noso alumnado. Alumnas de segundo de ESO leron textos destacando a figura da María de Villota como un heroína na Fórmula 1 e sobre todo unha muller que tomou partido na loita contra a desigualdade defendendo os dereitos da muller. Outras alumnas leron textos explicando a historia das irmás Mirabal e o seu cruel asasinato sendo vítimas da ditadura de Trujillo na Republica Dominicana. O acto estivo acompañado polos marabillosos acordes de  piano de Bruno, un alumno de primeiro de Bacharelato.  O 25 de Novembro, non é unha data para festexar, pero si para alzar a voz máis ca nunca en CONTRA  DA  VIOLENCIA.

CONTACONTOS GALEGO-INGLÉS

O pasado martes 17 de novembro, asistimos a unha sesión de contancontos no auditorio do Instituto. Ao chegar xa estaban as dúas contistas, Sophie Heydel e Charo Pita, no escenario: sentadas e preparadas para comezar a actuación. Ao comezar sorprendeunos que unha delas falaba inglés, mentres que a outra traducía o conto ao galego. Á muller inglesa entendíaselle perfectamente, mentres que a muller que falaba en lingua galega dáballe esa énfase humorística que a actuación necesitaba. O momento que máis nos gustou foi o da interactuación coas contistas a través de xestos e movementos diferentes.
Varios foron os contos cos que nos deleitaron: Barbaazul, Manolo, Muller e promesa, Arco de trunfo, Rei cabezón, Tres contos e o coitelo, etc.

Ao longo da mañá fomos pasando distintos cursos: primeiros e segundos de Bacharelato e un grupo de 4º de ESO. Todas e todos o pasamos moi ben.  Foi unha nova experiencia da que gozamos moito e non teriamos inconveniente en repetir.

Texto escrito por: Isaac Villar e Patric Espada (1º Bac. E)

ROTEIRO LITERARIO

Os días 17 e 19 de novembro o alumnado de terceiro e cuarto de ESO tiveron a oportunidade de realizar un roteiro literario baseado na novela Tes ata as dez, do escritor vigués Francisco Castro. O alumnado estivo acompañado do autor e puideron visitar os lugares máis emblemáticos a través dos cales discorría a historia: a imprenta, a notaría, as oficinas do xornal El pueblo Gallego, a coñecida chocolatería Bonilla ou o monumento a Xulio Verne. Francisco foinos explicando todos os detalles e pormenores da súa obra. Foi un roteiro moi interesante porque coñecemos parte da historia da nosa cidade, dende a guerra civil e a posguerra ata a actualidade,  ademais de achegarnos á lectura dunha obra que discorre polas nosas rúas.

LIBROS DE LECTURA. 4º ESO. Curso 2015 - 2016

LIBROS DE LECTURA. 3º ESO. Curso 2015 - 2016.

LENDO O ACHADO DO CASTRO

Mirade que ben o pasamos na primeira sesión do Club de Lectura. Comemos, bebemos e por suposto LEMOS  e  RIMOS!!

LIBROS DE LECTURA (1º e 2º ESO). Curso 2015-2016

   O Club de lectura do IES  Carlos Casares volve reunirse para compartir   lecturas. A primeira obra á que nos imos achegar é O achado do castro de M. Núñez Singala, unha obra de teatro de carácter cómico.

O SAMAÍN

SAMAGOSTÍN

Outro ano máis imos recuperar a tradición do SAMAÍN, imos festexalo con fadas, trasnos e co resto de seres máxicos que habitan no noso imaxinario.

Tallaremos cabazas e acenderemos candeas para tratar de escorrentar a tantos demos e bruxas que nos axexan.

Pequena referencia histórica

O día 1 de novembro era o primeiro día do ano segundo o calendario celta. Celébrase a tradicional noite de Samaín na que ocorrían cousas máxicas.

Os celtas crían que esa noite a fiestra que separaba o mundo dos vivos do mundo dos mortos desaparecía, e que a véspera de Samaín as almas dos mortos regresaban para visitar fogares terrenais. Co gallo de manteren os espíritos contentos deixábanlles comida e doces fóra dos fogares.

Despois, logo da conquista, os romanos exerceron a súa influencia no mundo celta cos festivais á deusa romana da colleita, Parmona, e máis adiante os cristiáns -que consideraban que os celtas adoraban ao demo, aínda que este nunca existiu na relixión céltica-, converteron a festa no día de Todos os Santos, de onde deriva o nome de Halloween en inglés.

 Sabemos que unha vez ao ano se xuntan os mortos para facer un magosto nunha lubre ao pé do castiñeiro máis vello de Galicia. Cada trasno ou meiga leva algo de xantar para compartir, só durante esa noite actúan como humanos e non descobren o seu lado maligno.

DÍA DAS BIBLIOTECAS

O 24 de outubro é o día das Bibliotecas e, como non podía ser doutro xeito, Bibliocasares agasalla a toda a comunidade educativa cun libro. No vestíbulo podedes escoller títulos e levalos para a vosa casa.

AGATHA CHRISTIE CUMPRE 125 ANOS

A Gran Dama do crime cumpre 125 anos, Agatha Mary Clarissa Miller, máis coñecida como  Agatha Christie,  naceu o 15 de setembro de 1890 e faleceu o 12 de  xaneiro de 1976 . Foi  unha escritora británica especializada no xénero policial, traballo polo que obtivo recoñecemento a nivel internacional. Obras como Diez negritos e Asasinato no Orient Express, catapultárona á fama. 

UN SIGLO DE METAMORFOSIS KAFKIANA.

Franz Kafka  (1883 – 1924) fue un escritor de origen judío nacido en Bohemia. Su obra está considerada una de las más influyentes de la literatura universa y está llena de temas sobre la alienación, la brutalidad física y psicológica, los conflictos entre padres e hijos, personajes en aventuras terroríficas, laberintos de burocracia y transformaciones místicas.

Fue autor de novelas: El proceso , El castillo, El desaparecido, la novela corta La metamorfosis (Die Verwandlung) y un gran número de relatos cortos. Además, dejó una abundante correspondencia y escritos autobiográficos. Su peculiar estilo literario ha sido comúnmente asociado con la filosofía artística del existencialismo —al que influenció— y el expresionismo. 

En 1915 publicó La metamorfosis, una interesante novela cuyo protagonista es Gregor Samsa, un comerciante que sufre una curiosa transformación. Si quieres descubrirla, léela y celebra de la mejor manera posible su centenario. No te defraudará.

LIBROS PARA PASAR UN BUEN VERANO. Primer ciclo de la ESO.

Este verano es una buena ocasión para dedicar más tiempo a la lectura. 

Te proponemos los siguientes títulos:

 La mansión de las mil puertas; Jordi Serra i Fabra.

Cuando hitler robó el conejo rosa; Judith Kerr.

Los escarabajos vuelan al atardecer; María Gripe.

Las lágrimas de Shiva; César Mallorquí. 

Corazón de tinta; Cornelia Funke. 

Rebeldes; Susan Hilton. 

Manolito Gafotas; Elvira Lindo.

Diario de Greg; Jeff Kinney.

Campos de fresas; Jordi Serra i Fabra. 

El crimen de la hipotenusa; Emili Teixidor.

Filo entra en acción; Christine Nöstlinger.

El curso que me enamoré de ti; Blanca Álvarez. 

El viaje de Teo; Catherine Clement. 

Los narradores cautivos; José María Merino. 

La ley de la calle; Susan Hilton. 

Guárdate de los Idus; Lola Gándara. 

Además, son recomendables cualquiera de los libros de la colección "Misterio" (de la autora Enid Blyton) y de la Saga de Flanagan (de los autores Andreu Martín y Jaime Rivera).

En la biblioteca del centro tenéis comics a vuestra disposición: Persépolis; Maus; Arrugas; Las serpientes ciegas; Zot; Paracuellos; Los malos tiempos...

Si tenéis oportunidad, no dejéis de leer a un autor como Juanjo Sáez cuyos comics son absolutamente interesantes. 

Si te gusta la poesía, no dejes de pasar por la biblioteca del centro.

Departamento de Lengua castellana y Literatura. Bibliocasares.

XA TEMOS FALLO DO XURADO DOS CLUBS DE LECTURA DO ALUMNADO

Pois si, meus, xa temos, en efecto, fallo do xurado, que deliberou onte na nosa biblioteca acerca dos 92 comentarios subidos ao blog dos Clubs de Lectura do Alumnado.

Cada ano imos colleitando máis éxito nesta actividade da biblioteca, cada vez son máis os comentarios, como poderedes observar, é dicir, cada ano le máis xente e cada ano se anima a subir comentarios ao blog máis xente, do cal nos alegramos moito no Equipo da Biblioteca.

Non resultou doada a elección, así que tivemos que conceder un primeiro premio e mais unha mención honorífica para cada categoría.

Os primeiros premios, unha vez consultadas as ganadoras, pois tiñan que decidir entre un tablet e un lector electrónico de libros, consistiron en cadanseus lectores electrónicos.

As mencións honoríficas foron premiadas con cadansúas publicacións-novidade de gusto das ganadoras tamén.

1º CICLO DA ESO

1º PREMIO:

 ANTÍA Mª VARELA HERMELO (1º ESO A)

MENCIÓN HONORÍFICA:

 CLAUDIA ÁLVAREZ COSTAS (2º ESO C)

2º CICLO DA ESO

1º PREMIO:

MARTA GONZÁLEZ FONTÁN (4º ESO B)

MENCIÓN HONORÍFICA:

LAURA GIL OUTEIRAL (4º ESO B)

NORABOA, RAPAZAS!

QUE A FORZA DOS LIBROS VOS ACOMPAÑE SEMPRE

O CLUB DE LECTURA ESTÁ DE NORABOA

O equipo da Biblioteca e os membros do club de lectura queremos darlles os parabéns a SIRA RICOY e XIAN FARO, por ter quedado  finalistas na terceira edición dos premios Rosalía de Castro e no certame patrocinado pola FEANPA e a editorial Kalandraka.

Agardamos que estes sexan os primereiros dos moitos que ides acadar ao longa da vosa vida.

PARABÉNS!!!!!!

Encuentro literario con Sonia Mirón.

SI TÚ QUIERES.

El viernes 22 de mayo nuestro centro recibió la visita de la escritora viguesa Sonia Mirón. 

Su primera novela juvenil, titulada Si tú quieres, ha tenido muy buena acogida entre nuestros alumnos de 3º de ESO.

La novela estaba incluida en una selección de libros de lectura y casi la mitad de los alumnos la eligió. Uno de sus mensajes: “Nunca es demasiado tarde para ser lo que podrías haber sido” (George Eliot) se cumple a la perfección en su protagonista Dani, el alumno que descubre en el conserje de su instituto, don Andrés, una importante ayuda para el cambio.

La actividad tuvo lugar en la biblioteca. Sonia habló del proceso creador de sus personajes y algunos alumnos le formularon preguntas de interés. Una alumna le presentó y regaló un collage que recogía su visión personal de la novela. Fue un encuentro especial, entrañable, mágico y enriquecedor. ¿Para cuándo una segunda parte? Lo está pensando...

Si no has leído todavía el libro, puedes pedirlo en nuestra biblioteca. “Una amistad imprevista, un amor inesperado y la música envolviéndolo todo” te está esperando, si tú quieres.

QUE CHOVA!!!!

O alumnado de 3º PDC e 2º ESO C participou durante este curso no "Plan Proxecta Meteoescolas" cun proxecto que leva por título QUE CHOVA!
No vestíbulo do centro podemos ver a exposición dos seus traballos: cataventos, anemómetros, mapas meteorolóxicos manipulables e refráns que o alumnado de 1ºESO foi recollendo e inventariando en colaboración coas familias e coa biblioteca.
A biblioteca cedeu o espazo para a exposición.

Chamádeme Simbad. Francisco Castro

Francisco Castro acompañou ao noso alumnado de Club de Lectura de 1º e 2º de ESO, o venres 29 de maio. Durante a tertulia, centrada no libro Chamádeme Simbad,o autor explicou a xénese do libro: a   enfemidade da nai e tamén os motivos que levaron a darlle este enfoque diferente: quería diminuír a dureza desta enfermidade - o Alzheimer- tan cruel, que n os vai privando de algo tan fundamental para a nosa existencia como é a memoria.
Francisco Castro destacou a presenza dos piratas e todas e cada unha das súas obras literarias, o motivo reside na súa infancia e adolescencia: asistía ás sesións continuas do cine Roxi, en Teís, e alí as películas de pritatas, con Jack Sparrow á cabeza, predominaban.
O personaxe favorito do libro para o autor é o tío Bernandino, un bonachón que sabe facerse cargo da situación sen danar a ningén.
Francisco deixou tempo para o diálogo e o alumnado tivo a posibilidade de preguntar por que no libro aparecía  a empanada de xoubas o por que o protagonista era un neno.
Un remate de curso e colofón aos Clubs de Lectura moi agradable.

"DON GIOVANNI", da compañía da ESAD-VIGO L'INDIGNATI. UNHA MOI DIVERTIDA E DIDÁCTICA REPRESENTACIÓN TEATRAL

Co gallo da conmemoración do DÍA DAS LETRAS GALEGAS, a Biblioteca e mais a Comisión de Normalización Lingüística organizaron o pasado luns 18 de maio a representación teatral escenificada por un dos grupos teatrais da Escola Superior de Arte Dramática de Galicia (ESAD-Vigo).

A compañía de L'INDIGNATI, formada por alumnado de 3º de Interpretación da ESAD de Vigo, dirixida polo seu profesor NANDO LLERA, fixo as delicias do público (2º ciclo da ESO e Bacharelato) representando unha parodia do mito do DON JUAN dentro da estrutura da COMMEDIA DELL'ARTE. Unha excelente interpretación que nos fala da recoñecida calidade da ESAD de Vigo.

Rimos a esgalla porque os gags eran constantes, moi ben metidos, con referencias á actualidade. A maiores, adentrámonos por unha banda no particular xénero teatral da Commedia dell'Arte e pola outra no argumento do mito do Don Juan.

Non foi menos interesante o coloquio final, as espelidas preguntas do noso alumnado e a valiosa información que nos achegaron actores, actrices e director acerca dos estudos de arte dramática na súa escola.

LETRAS PARA MUSEOS

Non só das paredes dos museos colgan obras de arte, tamén das do IES Carlos Casares penden verdadeiras obras de arte en verso.
O alumnado de 1º de ESO lembrouse do Día Internacional dos Museos deixándose levar e gozando dos cadros de pintores tan emblemáticos e recoñecidos como Van Gogh ou Picasso. Animados e guiados pola profesora de Educación Plástica e Visual, Almudena, aprenderon a valorar unha obra de arte atendendo a unha análise sensorial, descritiva e temática, formal e contextual. Puideron gozar das sensacións que nos transmite unha pintura, deixando que as cores cobren forma en nós, ver que historias hai máis alá do cadro ou descubrir cal será, para nós e para o artista, o centro de atención.
A partir da análise profunda e subxectiva destes cadros-láminas, o alumnado elaborou fermosos poemas nos que deixan constancia das sensacións e sentimentos que eses cadros lles producen.

Velaquí  dous poemas inspirados no cadro de Van Gogh A noite estrelecida:

Vexo luces e sombras,

no ceo dunha noite tranquila,

o vento recólleas cun suspiro

xunto coa miña tristura polo día.

As luces nas casas seguen acendidas

igual cás estrelas brillan,

brillan con alegría.

Non se decatan do que pasa aquí abaixo,

Oxalá eu fora unha estrela

na inmensidade do espacio.

Quixera escapar por aqueles campos, lonxe,

tumbarme na herba, observar o horizonte.

Teño envexa das estrelas

eu tamén quero liberdade,

aquí abaixo tan só sinto

un chisco de soidade. 

A preguiza invádeme

nesta noite de verán.

As vistas á cidade

prodúcenme ledicia,

axúdanme a non me adurmiñar.

Observo a lúa

tan fermosa coma sempre,

a máis brillante xoia

desta incrible noite ardente.

Os meus ollos xa non poden máis,

non os podo controlar…

Acabo durmida na herba

á luz do fermoso luar.